بعض النساء

بعض النساء بالفكر تشبه للأطفال
تفكيرها محدود قاصر وطايل






وبعض النساء في فكرها المجد يختال
مثل الأصيل اللي تقود الأصايل





بعض النساء بالطيب يضرب بها امثال
و بعض النسا تسعى لهدم العوايل





وبعض النساء تتبع هواها بالأفعال
ماتداري المنقود من قول قايل





وبعض النساء بلسانها سم فعال
تظهر غلا والقلب للشر شايل





وبعض النساء تتبع هل القيل والقال
ماحسبت للرب يوم الهوايل





وبعض النساء منطوقها عذب الأقوال
وبطيبها تشبه ورود الخمايل





الفرق في طبع النسا طولة البال
اللي تشيل بقلبها ماتسايل





وبعض النساء كشخة وموضة وسلسال
متغطرسة ماتدري العمر زايل





ملبوسها من صيحة العطر أشكال
تركض ورا الموضة بكل الوسايل





تبي تفاخر والفخر طيب الأفعال
ماكل من يسعى على الطيب نايل





وبعض النساء في عقلها عن ألف رجال
ويثبت على ما أقول عدة دلايل





بالدين والأخلاق وبطيبة الفال
وبافعالها تجمع جميع الخصايل





أصابع ابن آدم تفاوت بالأطوال
وكلا عطاه الله لبعض المثايل