إنتي ميم وريم وإسمـك لايزال ,,, وسـط شريان الغلا ياريـم .. ميــــم
راح بالي وانتي راحة كل بال ,,, أعشقك وأغليـك وإنتي ميم .. ريـــم
وهج حسنك فوق هامات الجمال ,,, ماعلى الدنيا سواك ومن قديـــم
مع شموخك ميل جسمك وانعدال ,,,وفي جبينك خارطة عيش النعيم
سالبة عقلي ولك عندي سؤال ,,, ليش قلبـي في فضى حبك يهيــم
مابقـى للفكـر مع غيرك مجـال ,,, انتشـي بك وانـت أرق من النسيـم
وفي طلوعـك كل غيدة في انعـزال ,,, البهـاء في حضرتـك وانت كريـم
نظرتـك فيهـا سيـوف بلا قتـال ,,, ومنطقـك فيـه العذوبــه بالحشيـــم
امتكلتينـي غـلا حتى الكمـال ,,, واحتويتينــي دفــا كنـي يتيــــــــــم
ينشغل بالي على حد الهبـال ,,, وان فقدتك مابقى عقلي سليــــــم
وابتليتينــي ولـه فأبســط مثــال ,,, يامثـال الحسـن طـرر وكسر تيـــم
لك حروف العشق تكتب لك تقال ,,,إسمك بقلبي مسجل( ميم..ريم )
موضوع: كلمات ميم ريم نجم الخليج 
السبت أكتوبر 15, 2011 1:31 am
